భాగమతి మళ్లొస్తోందా?

ఈమధ్య అనుష్క కెరీర్‌ మరీ మందగమనంగా సాగుతోంది. తను సినిమాలు చేయడానికి పెద్దగా ఆసక్తి చూపించడం లేదు. అయితే.. ఇప్పుడు స్వీటీ ఫోకస్‌ మళ్లీ సినిమాలపై మళ్లింది...

ఈమధ్య అనుష్క కెరీర్‌ మరీ మందగమనంగా సాగుతోంది. తను సినిమాలు చేయడానికి పెద్దగా ఆసక్తి చూపించడం లేదు. అయితే.. ఇప్పుడు స్వీటీ ఫోకస్‌ మళ్లీ సినిమాలపై మళ్లింది. ఇటీవల విడుదలైన ‘మిస్‌ శెట్టి, మిస్టర్‌ పొలిశెట్టి’ మంచి విజయాన్ని అందుకోవడంతో స్వీటీకి బూస్టప్‌ దక్కినట్టైంది. అందుకే వరుసగా సినిమాలు ఒప్పుకొంటోంది. చిరంజీవి - వశిష్ట కాంబోలో రూపుదిద్దుకొంటున్న చిత్రంలో అనుష్క ఓ కథానాయికగా ఎంపికైంది. ఇప్పుడు ‘భాగమతి’ సీక్వెల్‌కి ‘ఓకే’ అన్నట్టు టాక్‌. అనుష్క నటించిన ‘భాగమతి’ మంచి విజయాన్ని అందుకొన్న సంగతి తెలిసిందే. అశోక్‌ దర్శకత్వం వహించిన ఈ చిత్రాన్ని యూవీ క్రియేషన్స్‌ నిర్మించింది. ఇప్పుడు సీక్వెల్‌కి సరిపడా కథ సిద్ధమైందని తెలుస్తోంది. అనుష్క నటించే 50వ సినిమా ఇదే అయ్యే అవకాశం ఉంది.