ఒక్క టిక్కెట్‌పై ఇద్దరికి అవకాశం

రక్షిత్‌ అట్లూరి హీరోగా నటించిన ‘నరకాసుర’ చిత్రం ఇటీవలే విడుదలై హిట్‌ టాక్‌తో నడుస్తోంది. ఈ సందర్భంగా ఆదివారం చిత్రబృందం సక్సెస్‌మీట్‌ నిర్వహించింది...

రక్షిత్‌ అట్లూరి హీరోగా నటించిన ‘నరకాసుర’ చిత్రం ఇటీవలే విడుదలై హిట్‌ టాక్‌తో నడుస్తోంది. ఈ సందర్భంగా ఆదివారం చిత్రబృందం సక్సెస్‌మీట్‌ నిర్వహించింది. రక్షిత్‌ మాట్లాడుతూ ‘‘నరకాసుర’ సినిమాకు ప్రేక్షకుల నుంచి మంచి స్పందన వస్తోంది. రక్షిత్‌ నటుడిగా మరో మెట్టు ఎక్కాడని ప్రశంసిస్తున్నారు. మా సినిమాను ప్రేక్షకులకు మరింత చేరువ చేయాలనుకుంటున్నాం. అందుకే వచ్చే గురువారం వరకూ ఒక టిక్కెట్‌పై ఇద్దరికి సినిమా చూసే అవకాశం కల్పిస్తున్నాం. ఈ అవకాశాన్ని వినియోగించాలి’ అని ప్రేక్షకులను కోరారు. దర్శకుడు సెబాస్టియన్‌ మాట్లాడుతూ ‘సినిమా చూసిన వాళ్లంతా బాగుందని చెప్పడంతో పాటు ప్రతి విభాగం పనితీరును మెచ్చుకుంటున్నారు’ అని తెలిపారు. నిర్మాత డాక్టర్‌ అజ్జా శ్రీనివాస్‌ మాట్లాడుతూ ‘మా సుముఖ క్రియేషన్స్‌కు ‘నరకాసుర’ గుర్తుండిపోయే చిత్రం. నిర్మాణ విలువలు బాగున్నాయని అందరూ అభినందిస్తున్నారు’ అని చెప్పారు.